Kalaallit Nunaanniit Danmarkimut poortukkat

Kalaallit Nunaanniit poortukkat akitsuuserneqarnissaat moms-ilerneqarnissaallu pinngitsooruk

Kalaallit Nunaanniit Danmarkimut poortukkamik nassiussissavit? Immaqa ernutannut juullimi tunissutissat? Taava eqqaamassavat tunissut 360 koruuninit akisunerussanngimmat. Taamaanngippat Danmarkimi tigusisussap akitsuummut moms-imullu akiligassinneqarnissaa aarlerinaateqarpoq.

Quppernermi matumani Kalaallit Nunaanniit Danmarkimut poortukkanut maleruagassat, aammalu qaqugukkut akitsuuserneqassannginnersutit moms-imillu akiliisinneqassannginnersutit, pillugit atuarsinnaavatit. Assersuutigalugu Danmarkimut nuussaguit, nammineq pigisavit akitsuuteqanngitsumik moms-eqartinneqanngitsumillu nassarnissaat ajornanngilaq.

Læs siden på dansk

Maleruagassat ilinnut atuuttut takukkit

Kalaallit Nunaanniit Danmarkimut poortukkamik nassiussivutit

Kalaallit Nunaanniit poortukkamik tigusaqarputit

Danmarkimut nuupputit aammalu nammineq pigisatit nassarusullugit

Ilinniariartorlutit Danmarkimut nuupputit aammalu nammineq pigisatit nassarniarlugit

Kalaallit Nunaanniit Danmarkimut poortukkamik nassiussivit?

Tunissut 360 koruunit inorlugit akeqarpat aammalu akiliineq akuutinneqanngippat, akitsuummik moms-imullu akiliinak Danmarkimi inummut tunissutissat nassiussinnaavat. Taamaattoq tamanna imigassanut tupanullu atuutinngilaq.

Tunissut akisuallaarpat, tigusisussaq akitsuusiiffigineqassaaq

Tunissut 360 koruuninit akisuneruppat, tigusisussaq moms-imik akiliissaaq.
Tunissut 1.150 koruuninit annertunerusumik akeqarpat, tigusisussaq aamma akitsuummik akiliissaaq.

Imigassamut tupamullu maleruagassat allat atuupput.

Kalaallit Nunaanniit poortukkat pillugit annertunerusumik atuakkit uani toldst.dk.

Kalaallit Nunaanniit poortukkamik tigusaqarpit?

Kalaallit Nunaanniit poortukkamik (assersuutigalugu ilaqutarniit tunissut), 360 koruuninit akisunerusumik tigusaqaruit, illit tigusisussatut moms akilissavat. Poortugaq 1.150 koruuninit akisuneruppat, aamma akitsuut akilissavat.

Maleruagassat pillugit Kalaallit Nunaanni ilaquttatit nalunaarfigikkit

Tullianik poortukkamik nassiussinnginneranni Kalaallit Nunaanni ilaquttatit maleruagassat pillugit oqaluttuutikkit, taamaalillutit akitsuuserneqarnissat pinngitsuussagakku.

Kalaallit Nunaanniit poortukkat pillugit annertunerusumik atuakkit uani toldst.dk

Apeqqutissaqarpit?

Danmarkimi Toldstyrelsen sianerfigiuk uunga +45 72 22 28 02, imaluunniit mail-imik nassiussigit.

Mail-imik allagit

Aamma atuaruk

Katinnermut imaluunniit kingornussinermut atatillugu nammineq pigisatit akitsuuserneqanngitsumik moms-eqanngitsumillu Danmarkimut nassarsinnaavatit.

Annertunerusut atuakkit uani toldst.dk.

Danmarkimut nuussavit?

Nuuttutut akitsuummik aamma moms-imik akiliinak nammineq pigisatit nassarsinnaavatit. Nooreernerpit kingorna kingusinnerpaamik taakkua qaammatini 12-ini kingullerni Danmarkimeereersimaannassapput. Ilinniartutut Danmarkimi tamakkiisumik ilinniarnerit malinnaaffigalugu uppernarsarsinnaagukku, piffissaq killilerneqanngilaq.

Nuunnermi nassiussanut uppernarsaat immersussavat

Immersugassaq 12.024 aajuk (Nuunnermi nassiussat pillugit uppernarsaat) Danskisut tuluttullu pineqarsinnaavoq. Ilinniartunut atuutinngilaq.

Kalaallit Nunaanniit nuunnermi nassiussat pillugit annertunerusut atuakkit uani toldst.dk.