Kalaallit Nunaanniit nuuttoq Danmarkimi illit akileraarutit
Kalaallit Nunaanni pisartut assigalugit Danmarkimi aningaasarsianit akileraarummik akiliisassaatit. Akileraarutit atugarissaarnermut, peqqinnissaqarfimmut, attaveqaasersuutinut allanullu inuiaqatigiinni suliassanut pingaarutilinnut atorneqarput.
Danmarkimi najugaqaleruit aammalu Danmarkimiikkuit, Danmarkimut tamakkiisumik akileraartussaatitaalissaatit.
Eqqumaffigiuk imminut sullissivipput atorniarukku imaluunniit ilitsersuutinik annertunerusunik ujaasiniaruit, danskisut imaluunniit tuluttut ingerlaqqittariaqarlutit nalaattassagakku.
Danmarkimi akileraarutit paasilluaruk
Ukiut tamaasa novembarimi siumoortumik nalunaarsuisoqartarpoq, tassani ukiumi aggersumi qanoq akileraaruteqassanersutit siunnersuuterput illit takusinnaallugu.
Siumoortumik nalunaarsuiffik ilinnut missingersuutaavoq
Siumoortumik nalunaarsuiffik isertitassarnut akileraarutissarnullu naatsorsuutigineqartunut missingersuutitut atuuppoq. Ukiup ingerlanerani inuunerni imaluunniit aningaasaqarnerni allanngortoqarpat, siumoortumik nalunaarsuinerit naleqqussassavat.
Paasissutissat nalunaarsukkat ilinnut tunngasut malillugit ukiumi tullermi akileraarutitit naatsorsorneqassapput. Siumoortumik nalunaarsukkat ilinnut tunngasut - tassanilu illit nammineerlutit ingerlaavartumik iluarsisatit paasissutissiissutigisatillu - aningaasaqarnernut pingaaruteqarput, tassami takkua illit eqqortumik akileraarutinut akiliinissarnut tunngaviummata.
Ukiumoortumik naatsorsukkat illit naatsorsuutigaatit
Ukiumoortumik naatsorsukkat martsip qaammataani saqqummiunneqassapput. Tassani paasissavat ukiup siuliani akileraarutinut akiliivallaarsimanerlutit (aammalu aningaasanik utertuussanerlutit), annikippallaamik akiliisimanerlutit (aammalu akileraarutissat sinnerinik akiliissanerlutit), imaluunniit akileraarutinut eqqortumik akiliisimanerlutit.
Frikorti, hovedkorti og bi-korti ataatsimoorlutik skattekortimik taaneqartarput. Skattekorti qarasaasiatigoorpoq, aammalu TastSelv iserfigigukku siumoortumik nalunaarsukkani ilinnut tunngasuni qullerpaani takusinnaavat.
Inuit tamarmik akileraartussaaffiginngisaminnik ukiut tamaasa aalajangersimasumik aningaasartalimmik isertitaqarsinnaapput.
Frikorti
Ukiumi ataatsimi isertitassatut naatsorsuutigisatit akileraarutinik akiliinani isertinneqarsinnaasut inorlugit aningaasartaqarpata, frikorti atorneqassaaq. Inuusuttuuguit aammalu suliffittaaqqaarlutit imaluunniit angerlarsimaffimmi najugaqartutut SU-qaruit saniatigullu sulisarnak, tamanna nalinginnaasumik pisarpoq. Aningaasartai aallaaviatigut 2026-mi 54.100 koruuniupput (2025-mi 51.600 koruuniullutik).
Tassalu ukiumi ataatsimi aningaasarsiatit katillugit taakkua sinnerlugit aningaasartaqarpata aatsaat akileraarummik akiliisalissaatit. Taamaattoq aningaasarsisaruit, aningaasarsiarnit tamarmiusumit 8%-inik am-imut akiliummut akiliissaatit - aamma frikorteqaraluaruilluunniit. Ukioq 18-inik ukioqalerfiit aallarnerfigalugu aatsaat am-imut akiliummut akiliisalissaatit.
Hovedkorti
Hovedkorti akissarsiaqarnerpaafferni atussavat (assersuutigalugu suliffimmi imaluunniit SU-mi). Hovedkorti sumiiffimmi ataasiinnarmi taamaallaat atussavat. Taamaattumik hovedkorti SU-mut imaluunniit sulisitsisorni atorneqarpat, B-korti suliffinni allani atussavat.
Hovedkortimi akileraarusiinermi procentiliussaq aammalu ilanngaatit akileraaruserneqartussaanngitsut allassimapput. Tunniussisussap hovedkortit atorpagu, tunniussisussap taamaallaat aningaasanit ilanngaaternit annertunerusunit akileraarutissat ilanngaatigissavaa.
Taamaattumik tunniussisussat arlallit hovedkortit atorpassuk, akileraarutinut annikippallaamik akiliisoorsinnaavutit.
Bi-korti
Arlalinnik tunniussisartoqaruit aatsaat bi-korti atorneqassaaq (assersuutigalugu sulisitsisoq aamma SU). B-korti sumiiffinni arlalinni atorsinnaavat.
B-kortimi taamaallaat allassimavoq procentinik qassinik akileraarutissamut ilanngaasiisoqassanersoq. Tunniussisussap bi-kortit atorpagu, tunniussisussap tunniunneqartussanit tamakkiisumik akileraarutissaq ilanngaatigissavaa.
Arlalinnik sulisitsisoqarpit? Kikkut skattekorti sorleq atorneraat takuuk.
Sulisitsisup hovedkortit imaluunniit bi-kortit atorneraa takusinnaavat TastSelv iserfigalugu aammalu toqqagassani Indkomstoplysninger fra eIndkomst toorlugu. Ukioq toqqaruk uani Vis eSkattekort for år. Tulliullugu tooruk Hent oplysning.
Tunniussisussap (assersuutigalugu sulisitsisuit, SU imaluunniit soraarnerussutisiassanut ingerlatseqatigiiffiup) skattekorti kukkusoq atorsimasinnaavaa. Uagutsinni skattekorti eqqortoq qarasaasiatigut aaqqullugu illit nammineerlutit tunniussisussaq qinnuigissavat.
Danmarkimi najugaqaruit Danmarkimiikkuillu, nalinginnaasumik Danmarkimut akileraartussaatitaavutit. Tamanna isumaqarpoq isertitatit tamaasa, taakkua nunanit allaneersuuppata imaluunniit Danmarkimeersuuppata, paasissutissiissutigissagitit.
Nunanut allanut tunngasut paasissutissiissutiginissaannut ikiortigit (danskisut)
Marloqiusamik akileraaruserneqarnissaq pinngitsoortigut
Isertitat ataatsit nunani marlunni akileraaruserneqartarnissaat pinngitsoortinniarlugu Danmark nunanut arlalinnut marloqiusamik akileraarusiinnginnissamut isumaqatigiissutinik taaneqartartunik isumaqatigiissuteqarpoq, ilaatigut Kalaallit Nunaannut.
Kalaallit Nunaanniit Danmarkimut nuussimaguit, Kalaallit Nunaannut akileraartussaatitaanerpit Kalaallit Nunaanni Akileraartarnermut Aqutsisoqarfimmut paasiniarsimanissaa ilisimanissaalu pingaaruteqarpoq.
Danmarkimut aamma Kalaallit Nunaannut tamakkiisumik akileraartussaatitaaneq
Nunani marlunni nunami namminermi akileraartarnermut maleruagassat malillugit Danmarkimi aamma Kalaallit Nunaanni tamakkiisumik akileraartussaatitaaguit, nunami sorlermi akileraartarnikkut angerlarsimaffeqarnersutit aalajangerneqartussaavoq. Minnerpaamik qaammatini 6-ini nunat arlaanniissimanersutit, taamaallaat sulinngiffeqarneq assigisaalluunniit pissutigalugit sivikitsuinnarmik allamiissimallutit, tamatumunnga apeqqutaassaaq.
Ilinniartut akileraartussaatitaanerat
Ilinniarniarlutit Danmarkimut nuussimaguit, ilinniartunut maleruagassani pineqartunut ilaasutit ilimanarpoq, tassani piumasaqaatit aalajangersimasut malillugit ukiut marluk iluanni ulluni 365-ini maani nunamiissimaguit aatsaat Danmarkimut tamakkiisumik akileraartussaatitaalissallutit. Tamanna aamma atuuppoq Danmarkimi ineqaruit.
Piumasaqaatit pillugit annertunerusut atuarsinnaavatit quppernermi Ilinniartut nunanit allaneersut akileraartussaatitaanerat (danskisut).
Akileraarut eqqortoq akileruk – ilanngaatissat pisinnaatitaaffigisatit pissarsiarikkit
Danmarkimi ilinniartuuguit siornatigullu Kalaallit Nunaanni najugaqarsimaguit ilinniartunut tamaaniikkallartutut ilanngaat aammalu naalagaaffeqatigiinnermut ilanngaat qinnutigisinnaavatit.
Immersugassaq 04.062 nassiuguk aammalu ilanngaatissat pissarsiaralugit
Immersugassaq 04.062 immersussavat nassiutissallugulu – Danmarkimi savalimmiormiunut, kalaallinut imaluunniit nunanit allamiunut ilinniartunut imaluunniit inuussutissarsiornermi sungiusartunut, Danmarkimi maani ilinniarfimmi ilinniarnissamut nalunaarsimanermut uppernarsaatilinnut ilanngaat pillugu qinnuteqaat.
Immersugassaq 04.062 (danskisut)
Immersugassaq immersoriigaq tigugutsigu, ilanngaatiginninnissamut piumasaqaatit naammassineqarsimappata, siusinaartumik nalunaarsuiffik nutaaq suliarissavarput.
Ilanngaatiginninnissamut pisinnaatitaaguit, nammineerlutit ukiumoortumik naatsorsukkani tamatuma paasissutissiissutiginissaa eqqaamassagakku eqqumaffigissavat.
Eqqaamajuk siumoortumik nalunaarsukkat tullii allanngortissagakkit
Ilinniartutut Kalaallit Nunaanneersutut ilanngaatitit ukiup tulliani siumoortumik nalunaarsuiffimmut ingerlaannartumik nuunneqassanngillat. Tamaattumik ukiut tamaasa novembarimi imaluunniit decembarimi TastSelv imminut sullinnermiittumi siumoortumik nalunaarsukkat ilinnut tunngasut allanngortittassavatit.
Illit ississaatit aamma Forskudsopgørelse iserfigissallugu. Søg felt allaffissaq 437 aamma allaffissaq 419 nassaarisinnaavatit. Allaffissaq 437-mi ilinniartunut tamaaniikkallartunut ilanngaat allassavat, aammalu allaffissaq 419-imi naalagaaffeqatigiinnermi ilanngaat allassavat.
Danmarkimut nuunneq pillugu annertunerusut atuakkit (danskisut)
Sianerfigitigut
Illit ilinniartutut Kalaallit Nunaanneersutut siumoortumik nalunaarsukkanut ikiorneqarnissamik pisariaqartitsiguit, oqarasuaammut 72 22 28 92-imut sianerfigisinnaavatsigut.
Aamma Danmarkimi kalaaliulluni ilinniartuuneq pillugu paasissutissat Kalaallit Nunaanni Akileraartarnermut Aqutsisoqarfiup nittartagaani takusinnaavatit.
Danmarkimi ilinniartut (Kalaallit Nunaanni Akileraartarnermut Aqutsisoqarfik)
Akissarsiatit annertuumik allanngorpata, imaluunniit ullormusiaqaleruit, ikiorsiissutinik tigusaqartaleruit, soraarnerussutisiaqaleruit imaluunniit efterløn-eqaleruit, siumoortumik nalunaarsukkat ilinnut tunngasut iluarsisariaqarpatit. Taamaalillutit ukiup naanerani akileraarutinut akileeqqittussanngornissaq pinngitsoortissavat.
TastSelv-imi siumoortumik nalunaarsukkat ilinnut tunngasut iluarsissavatit
Ukiup ingerlanerani siumoortumik nalunaarsukkani aningaasarsiatit allanngortikkukkit, tamatigut allaffissaq 201, allaffissaq 360, allaffissaq 361 aamma allaffissaq 366 immersussavatit.
Allaffissat 360, 361 aamma 366 nassaarisinnaavatit Oftest tilføjede felterataani. Uani toqqassavatIndkomst og betalt skat indtil ændring.
Allanngornerit annertuut pingaaruteqarnerpaapput
Annertuunik allanngortoqarnerani aningaasarsiat allanngornerat pingaaruteqarnerpaasarpoq, assersuutigalugu:
- Aningaasarsiatit am-imut akiliut ilanngullugu 2026-mi 696.957 koruunit sinnertussaappagit imaluunniit inortussaappagit (2025-imi 665.000 koruunit)
- Akunnatumik isertitalittut akileraarut, akileraarutit annerpaaffia imaluunniit akileraarutit annerpaarpaaffiat akilertarukku aammalu aningaasarsiatit qaffallutik
- Piffissaq suliffigisartakkat sivikillippat, assersuutigalugu piffissaq tamakkerlugu sulisarnermit piffissap ilaannaa sulisalernermut.
Akileraarutit B-t aamma akileraarutit sinneri suuppat?
Isertitat B-it tassaapput aningaasat ilinnut tunniunneqannginneranni akileraarummut ilanngaasiisoqarani isertitat. Assersuutigalugu namminersorlutit suliffeqarfimmik ingerlatsiguit imaluunniit akissarsiaqartaruit. Siumoortumik nalunaarsukkani qanoq akileraarutinut B-nut akiliissanerlutit takusinnaavat.
Akileraarutit sinneruttut tassaapput, ukioq kingulleq akileraarutinut annikippallaanik akiliisimasutit. Akileraarutip sinneruttut ukiumoortumik naatsorsukkani takuneqarsinnaapput. Nammineq kajumissutsimik akileraarutinik sinneruttunik akiliinissamut killigitinneqarpoq ukiup isertitaqarfiusup pineqartup kingorna ukiumi 1. juli.
Imatut akileraarutit B-t akilissavatit
- Uunga iserit skat.dk/tastselv (danskisut)
- Toqqaruk Betal B-skat
- Akileraarutinut B-inut akiligassap nalaani Betaltooruk
- Dankort-imik imaluunniit MobilePay-mik dankortimut atasumik akiliiniarnerlutit imaluunniit netbankimi akiliinissamutID-mik pissarsiniarnerlutit toqqaruk
- Akiligassaq ataasiinnaanngippat aammalu dankort-imik imaluunniit MobilePay-mik dankortimut atasumik akiliisimaguit, alloriarneq 3 aamma 4 uteqqissavatit.
Akileraarutinik sinneruttunik imatut akiliissaatit
- Uunga iserit skat.dk/tastselv (danskisut)
- Toqqaruk Betal B-skat
- Toqqaruk Betal restskat/Dine kommende betalinger
- Akiligassap akilerniakkavit nalaani Betaltooruk
- Dankort-imik imaluunniit MobilePay-mik dankortimut atasumik akiliiniarnerlutit imaluunniit netbankimi akiliinissamutID-mik pissarsiniarnerlutit toqqaruk.
- Akiligassaq ataasiinnaanngippat aammalu dankort/MobilePay atorlugu akiliisimaguit, alloriarneq 4 aamma 5 uteqqissavatit.
Akileraartarnermut Aqutsisoqarfimmut akiliisarneq pillugu annertunerusut atuakkit (danskisut)
Assigiinngitsunik ilanngaatiginninnissamut pisinnaatitaasinnaavutit, taamaalillutit isertitanit amerlanerusunik pissarsisinnaassallutit. Ilanngaatissat ilai ingerlaannartumik pissarsiarisassavatit, allalli nalunaarsornissai nammineerlutit isumagisussaavat.
Ilanngaatit nalinginnaanerpaat nammineerlutit nalunaarsugassatit tassaapput: biilernermut ilanngaat, assassortunut aningaasartuutinut ilanngaat aamma sullissinernut ilanngaat.
TastSelv: Akileraaruternut imminut sullinneq
TastSelv tassaavoq akileraaruternut imminut sullinnissamut aaqqiissut. Tassani siumoortumik nalunaarsukkat ilinnut tunngasut aamma ukiumut naatsorsukkat ilinnut tunngasut takusinnaavatit allanngortissinnaallugillu. Aamma TastSelv-imi akileraarutinik sinneruttunik akiligassaqaruit akiliissaatit.
TastSelv-imi aamma allallutit attavigisinnaavatsigut. skat.dk teqeqquani talerpillermi MitID atorlugu TastSelv iserfigissavat.
TastSelv pillugu annertunerusut atuakkit (danskisut)
Danmarkimiit nuussaguit sianerit
Danmarkimiit nuukkuit, Danmarkimiit akileraartussaatitaanerit ingerlaannartumik allanngussanngilaq. Danmarkimi akileraartussaatitaanerit ingerlaannassanersoq naliliisinnaanissatsinnut illit uagut attaveqarfigissavatsigut.
Annertunerusut takusinnaavatit uani Danmarkimiit nuupputit (danskisut).